ປະຊາຊົນຍີ່ປຸ່ນ ຈັດງານໂຮມຊຸມນຸມປະທ້ວງ
ເພື່ອສະແດງຫຼັກໝັ້ນ ຄັດຄ້ານການປ່ອຍນ້ຳປົນເປື້ອນລັງສີນິວເຄລຍລົງສູ່ທະເລອີກເທື່ອໜຶ່ງ
ອີງຕາມຂ່າວສານຊີອາໄອ ລາຍງານໃຫ້ຮູ້ໃນວັນທີ 27 ເມສາ 2024 ຜ່ານມານີ້ວ່າ: ຕອນຄ່ຳວັນທີ 26 ເມສາ 2024 ຜ່ານມາ,
ປະຊາ
ຊົນຍີ່ປຸ່ນໄດ້ຈັດງານໂຮມຊຸມນຸມປະທ້ວງຢູ່ນະຄອນຫຼວງໂຕກຽວ ເພື່ອຄັດຄ້ານລັດຖະບານຍີ່ປຸ່ນ ທີ່ໄດ້ປ່ອຍນ້ຳປົນເປື້ອນລັງສີ
ນິວເຄລຍລົງສູ່ທະເລອີກເທື່ອໜຶ່ງ ໂດຍບໍ່ສົນໃຈນຳການຄັດຄ້ານຂອງຝ່າຍຕ່າງໆ ແລະ ໄດ້ສະແດງຄວາມເປັນຫ່ວງຢ່າງໜັກໜ່ວງຕໍ່
ເຫດການດ້ານຄວາມປອດໄພທີ່ເກີດຂຶ້ນເລື້ອຍໆໃນຂະບວນການປ່ອຍນ້ຳປົນເປື້ອນລັງສີນິວເຄລຍລົງສູ່ທະເລ.
ຜູ້ປະທ້ວງກ່າວວ່າ, ການທີ່ປ່ອຍສານກຳມັນຕະພາບລັງສີລົງສູ່ທະເລນັ້ນ, ເຖິງວ່າປັດຈຸບັນເບິ່ງບໍ່ອອກຫຍັງ, ແຕ່ເມື່ອຜ່ານໄປຫຼາຍ
ສິບປີ ຫຼື ຫຼາຍຮ້ອຍປີແລ້ວ ຈະມີຜົນສະທ້ອນແນວໃດແດ່? ຈະມີຜົນກະທົບຕໍ່ສິ່ງແວດລ້ອມ ແລະ ມະນຸດເອງບໍ່? ພວກເຮົາມີຄວາມ
ເປັນຫ່ວງຕໍ່ເລື່ອງນີ້, ການປ່ອຍນ້ຳປົນເປື້ອນລັງສີນິວເຄລຍຄວນຢຸດເຊົາຢ່າງເດັດຂາດ. ປະຊາຊົນຟຸຄຸຊິມະທີ່ໄປລີ້ໄພຢູ່ແຫ່ງຕ່າງໆ ຍ້ອນ
ອຸບັດເຫດໂຮງໄຟຟ້ານິວເຄລຍຟຸຄຸຊິມະ ຈຳນວນໜຶ່ງກໍ່ໄດ້ເຂົ້າຮ່ວມງານໂຮມຊຸມນຸມດັ່ງກ່າວ.
ເຂົາເຈົ້າກ່າວວ່າ, ບໍລິສັດພະລັງງານໄຟຟ້າໂຕກຽວ ຊຳລະແກ້ໄຂບັນຫາທີ່ເກີດຂຶ້ນຍ້ອນອຸບັດເຫດນິວເຄລຍຟຸຄຸຊິມະ ການສ້າງຟຸຄຸ
ຊິມະຄືນໃໝ່ ແລະ ບັນຫາອື່ນໆ ລ້ວນແຕ່ດຳເນີນຢ່າງຊັກຊ້າຫຼາຍ. ການສ້າງສາບ້ານເກີດຄືນໃໝ່ ຍັງເປັນເລື່ອງທີ່ໄກຫຼາຍ.
ແຫຼ່ງທີ່ມາ: ໜັງສືພິມກອງທັບ
ວັນທີ 30/04/2024